Stjörnukort fyrir Ísland í september
Við höfum útbúið stjörnukort fyrir Ísland í september. Halastjarnan Hartley 2 gerir sig heimakomna á himninum í september en sést enn sem komið er aðeins í sjónauka (ætti að sjást með berum augum í október). Við höfum því útbúið tvær útgáfur af stjörnukortinu, með og án halastjörnunnar.
Stellarium - ókeypis stjörnufræðiforrit á íslensku
21. ágúst 2010
Stellarium er stjörnufræðiforrit sem er til á fjölmörgum tungumálum, þar á meðal íslensku. Í forritinu er hægt að stilla inn tíma og skoða stjörnuhimininn hvaðan sem er frá jörðinni (og öðrum reikistjörnum í sólkerfinu!). Forritið er ókeypis og virkar á öllum helstu stýrikerfum: Windows, Mac og Linux.
Sólskoðun á menningarnótt
18. ágúst 2010
Stjörnuskoðunarfélag Seltjarnarness og Stjörnufræðivefurinn standa fyrir sólskoðun á Austurvelli frá kl. 13 á Menningarnótt laugardaginn 21. ágúst. Nokkur hundruð manns komu og kíktu á sólina 17. júní 2007 og 2008. Nú er bara að vona að veðrið verði okkur hagstætt á laugardaginn!
Sólskoðun 17. júní 2008.
Stjörnukort fyrir útlönd í ágúst
Í sumar bjóðum við hjá Stjörnufræðivefnum upp á stjörnukort fyrir Íslendinga sem verða í S-Evrópu eða Bandaríkjunum í sumar. Í hverjum mánuði (júní-ágúst) kemur inn nýtt kort fyrir útlönd.
Næsta stjörnukort fyrir Ísland verður sett inn á vefinn um miðjan ágúst.
Stjörnufræðivefurinn fær andlitslyftingu
18. maí 2010
Í sumar fær Stjörnufræðivefurinn tímabæra andlitslyftingu frá Hugsmiðjunni. Um leið færist vefurinn úr Joomla í Eplica 2 vefkerfið sem mun hafa mikil og góð áhrif á vefinn. Af þessum sökum verða mun færri uppfærslur á Stjörnufræðivefnum í sumar en hingað til hefur verið. Útliti vefsins verður gjörbreytt, hann gerður notendavænni og gagnvirkari. Við ætlum að nýta sumarið í að skrifa nýjar og fróðlegar greinar og vinna að ýmsum spennandi nýjungum.
Nýr Stjörnufræðivefur verður opnaður með pompi og prakt um það leyti sem skólar hefja störf í haust, en á meðan höldum við helst til á blogginu okkar. Einnig er hægt að fylgjast með á Facebook og Twitter.
Eigið notalegt sumar.