Drekinn

Drekinn er eitt hinna 88 stjörnumerkja sem þekja himinhvelfinguna. Drekinn er 8. stærsta stjörnumerkið á næturhimninum.

Drekinn er mjög norðarlega og nær nánast upp að Pólstjörnunni í Litlabirni. Stjörnumerkin umhverfis Drekann eru Litlibjörn í norðri, Gíraffinn í norðaustri, Stóribjörn í suðaustri, Hjarðmaðurinn, Herkúles og Harpan í suðri og Svanurinn og Sefeus í vestri.

Drekinn er eitt þeirra 48 stjörnumerkja sem Ptólmæos lýsir í ritum sínum.

Drekinn á himninum yfir Íslandi

Einfaldast er að finna Drekinn út frá halanum sem liggur ofan við Karlsvagninn. Drekinn er fremur dauft stjörnumerki en hlykkjast frá Karlsvagninum í Stórabirni alla leið að Svaninum. Best er að skoða Drekann þar sem ljósmengun spillir ekki himninum.

Drekinn er mjög norðarlega á himinhvelfingunni og sést því allt árið (er pólhverfur).

Stjörnumerkið Drekinn (Vængfákurinn) á næturhimninum yfir Íslandi að hausti (15. október) kl. 22:00. Horft í suður. Stjörnumerkið Andrómeda er í norðaustri, Eðlan í norðri, Svanurinn í norðvestri, Höfrungurinn og Folinn í vestri, Vatnsberinn í suðri og Fiskarnir í suðaustri. Myndin er úr Starry Night forritinu.