Setebos er tuttugasta og sjötta þekkta tungl Úranusar og þriðja innsta óreglulega tunglið við reikistjörnuna. Tunglið er í 17.418.000 km fjarlægð frá Úranusi. Tunglið fundu stjörnufræðingarnir Brett Gladman, Matthew Holman, Jean-Marc Petit, John Kavelaars og Hans Scholl í júlí árið 1999 á myndum sem teknar voru með fransk-kanadíska stjörnusjónaukanum á Mauna Kea á Hawaii. Fékk þá tunglið tímabundna heitið S/1999 U1 en var síðar nefnt eftir guðinum Setebos sem Kalíban og Sýkórax dýrkuðu í leikritinu Ofviðrið eftir William Shakespeare.

Tunglið er fremur smátt, aðeins um 47 km í þvermál og endurvarpar um 4% af sólarljósinu sem fellur á það. Sýndarbirtustig er +23,3 svo það sést ekki nema í stærstu stjörnusjónaukum jarðar.

Tölulegar upplýsingar

Heimildir:

• The Nine Planets.org
• NASA Solar System Exploration
• SolarViews.com