Ferdínand er tuttugasta og sjöunda þekkta tungl Úranusar og ysta tungl reikistjörnunnar. Tunglið er í 20.901.000 km fjarlægð frá Úranusi. Tunglið fundu stjörnufræðingarnir Matthew Holman, John Kavelaars og Dan Milisavljevic í ágúst árið 2001 á myndum sem teknar voru með fransk-kanadíska stjörnusjónaukanum á Mauna Kea á Hawaii. Fékk þá tunglið tímabundna heitið S/2001 U2 en var síðar nefnt eftir Ferdínand syni Napólíkonungs úr leikritinu Ofviðrið eftir William Shakespeare.

Tunglið er fremur smátt, aðeins um 21 km í þvermál og endurvarpar um 4% af sólarljósinu sem fellur á það. Sýndarbirtustig er +25,1 svo það sést ekki nema í stærstu stjörnusjónaukum jarðar.

Tölulegar upplýsingar

Heimildir:

• The Nine Planets.org
• NASA Solar System Exploration
• SolarViews.com