Geimveðrið þessa stundina Norðurljósakraginn Liggi kraginn yfir Íslandi eru líkur á því að fá norðurljós. Rauður litur táknar öflugri virkni. Sólblettir Lítið er um sólbletti. Smellið á myndina til að stækka hana. Segulstefna á sólinni Sólblettir stafa af segulsviði sólar. Segulkortið auðveldar leit að sólblettum á efri myndinni. Kórónugeilar Kórónugeilar birtast sem ljósir flekkir. Fylgja gjarnan sólblettum.

Fréttir af sólinni og geimveðrinu

AÐ SKOÐA SÓLINA: Sólskoðun getur verið stórskemmtileg og gefandi tilbreyting frá stjörnuskoðun að nóttu til. Fyrir það fyrsta er oftast hlýtt á daginn þegar sólin er á lofti og sömuleiðis vaknar maður ekki dauðþreyttur daginn eftir. En hvaða búnað þarf maður til að skoða sólina á öruggan hátt og hvernig er best að bera sig að? Í greininni Að skoða sólina er tæpt á þessu og sömuleiðis hvað sjá má á lífgjafa jarðarinnar.

Varúð! Horfið aldrei upp í sólina án viðeigandi hlífðarbúnaðar. Slíkt getur valdið óbætanlegum augnskaða!

Sólin skoðuð frá Austurvelli sólríkan 17. júní 2008 undir styrkri leiðsögn félagsmanna í Stjörnuskoðunarfélagi Seltjarnarness. Mynd: Tryggvi Kristmar Tryggvason.

GEIMVEÐRIÐ: Á þessari síðu er ætlunin að safna saman fréttum af sólinni og geimveðrinu. Birtar verða fallegar myndir sem teknar hafa verið af norðurljósum yfir Íslandi og tilkynningum um væntanlega segulstorma komið á framfæri. Ítarlegri upplýsingar um geimveðrið er að finna á hinni frábæru vefsíðu SpaceWeather.com. Myndirnar hér til hliðar uppfærast sjálfkrafa í hvert sinn sem komið er inn á vefinn.

KÓRÓNUSKVETTUR: Þegar sólin er hvað virkust sendir hún daglega frá sér svonefndar kórónuskvettur eða kórónugos. Efnið í kórónuskvettum er rafgas sem, ef það stefnir í átt til jarðar, veldur segulstormi með tilheyrandi norðurljósasýningu.

Sjá nánar: Kórónuskvettur frá sólinni