Athugaðu, opna í nýjum glugga. Prenta útSenda hlekk á þessa síðu til vinar

Digg This! Del.icio.us; Reddit Stumble It! Facebook

Naíad (Neptúnus III)

Naíad er innsta fylgitungl Neptúnusar. Tunglið fannst á myndum sem Voyager 2 geimkanninn tók um miðjan septembermánuð árið 1989. Fékk það þá tímabundna heitið S/1989 N6 en var síðar nefnt Naíad eftir vatnadísunum fimmtíu í grískri goðafræði. Var þetta seinasta tunglið sem Voyager 2 fann er hann flaug framhjá Neptúnusi.

Myndir Voyagers 2 sýna að tunglið er óreglulegt að lögun, um 54 km í þvermál. Á yfirborðinu sjást engin merki um nokkra jarðfræðilega virkni.

Naíad hringsólar um Neptúnus í sömu átt og reikistjarnan snýst um möndul sinn í um 48.200 km fjarlægð frá miðju reikistjörnunnar en um 23.500 km frá skýjatoppnum. Tunglið er á jafntímabraut (synchronous orbit) sem þýðir að tunglið er jafn lengi að snúast um möndul sinn eins og að ljúka einum umferðartíma og snýr því ætið sömu hlið í átt að Neptúnusi, rétt eins og tunglið okkar. Braut tunglsins er smám saman að lækka og nálgast Neptúnus vegna flóðkrafta. Að lokum mun Naíad annað hvort falla inn í Neptúnus eða tvístrast og mynda hring.

Naíad er smalatungl, þ.e.a.s. tungl sem hringsólar um reikistjörnuna innan hringakerfisins.

Tölulegar upplýsingar

Meðalfjarlægð frá miðju Neptúnusar: 48.227 km
Umferðartími um Neptúnus: 0,3 jarðdagar
Snúningstími: Jafntímabraut
Þvermál:
40 km
Massi:
~1,9 x 1017 kg
Eðlismassi:
1,2 g/cm3
Meðalhitastig yfirborðs:
-220°C
Endurskinshlutfall:
0,07
Uppgötvað af Voyager 2
Uppgötvað árið
1989

Heimildir:

  • The Nine Planets.org
  • NASA Solar System Exploration
  • SolarViews.com
Digg This! Del.icio.us; Reddit Stumble It! Facebook