Athugaðu, opna í nýjum glugga. Prenta útSenda hlekk á þessa síðu til vinar

Digg This! Del.icio.us; Reddit Stumble It! Facebook

Despína (Neptúnus V)

Despína er þriðja þekkta fylgitungl Neptúnusar. Tunglið fann stjörnufræðingurinn Stephen Synnott á myndum sem Voyager 2 geimkanninn tók seint í júlí árið 1989. Fékk það þá tímabundna heitið S/1989 N3 en var síðar nefnt Despína eftir einni af vatnadísum Neptúnusar, dóttur Póseidons og Demeter í grískri goðafræði.

Myndir Voyagers 2 sýna að tunglið er óreglulegt að lögun, um 150 km í þvermál. Á yfirborðinu sjást engin merki um nokkra jarðfræðilega virkni.Despína hringsólar um Neptúnus í sömu átt og reikistjarnan snýst um möndul sinn í um 52.500 km fjarlægð. Tunglið er á jafntímabraut (synchronous orbit) sem þýðir að tunglið er jafn lengi að snúast um möndul sinn eins og að ljúka einum umferðartíma og snýr því ætið sömu hlið í átt að Neptúnusi, rétt eins og tunglið okkar. Braut tunglsins er smám saman að lækka og nálgast Neptúnus vegna flóðkrafta. Að lokum mun Despína annað hvort falla inn í Neptúnus eða tvístrast og mynda hring.

Despína er smalatungl innan Le Verrier hringsins.

Tölulegar upplýsingar

Meðalfjarlægð frá miðju Neptúnusar: 52.526 km
Umferðartími um Neptúnus: 0,3 jarðdagar
Snúningstími: Jafntímabraut
Þvermál:
148 km
Massi:
~2,1 x 1018 kg
Eðlismassi:
1,2 g/cm3
Meðalhitastig yfirborðs:
-220°C
Endurskinshlutfall:
0,09
Uppgötvað af Voyager 2
Uppgötvað árið
1989

Heimildir:

  • The Nine Planets.org
  • NASA Solar System Exploration
  • SolarViews.com
Digg This! Del.icio.us; Reddit Stumble It! Facebook