Athugaðu, opna í nýjum glugga. Prenta útSenda hlekk á þessa síðu til vinar

Digg This! Del.icio.us; Reddit Stumble It! Facebook

Galatea (Neptúnus VI)

Galatea er fjórða þekkta fylgitungl Neptúnusar. Tunglið fann stjörnufræðingurinn Stephen Synnott á myndum sem Voyager 2 geimkanninn tók seint í júlí árið 1989. Fékk það þá tímabundna heitið S/1989 N4 en var síðar nefnt Galatea eftir einni af vatnadísum Neptúnusar í grískri goðafræði.

Myndir Voyagers 2 sýna að tunglið er óreglulegt að lögun, um 180 km í þvermál. Á yfirborðinu sjást engin merki um nokkra jarðfræðilega virkni.

Galatea hringsólar um Neptúnus í sömu átt og reikistjarnan snýst um möndul sinn í um 37.200 km fjarlægð. Tunglið er á jafntímabraut (synchronous orbit) sem þýðir að tunglið er jafn lengi að snúast um möndul sinn eins og að ljúka einum umferðartíma og snýr því ætið sömu hlið í átt að Neptúnusi, rétt eins og tunglið okkar. Braut tunglsins er smám saman að lækka og nálgast Neptúnus vegna flóðkrafta. Að lokum mun Galatea annað hvort falla inn í Neptúnus eða tvístrast og mynda hring.

Galatea er smalatungl (tungl innan hringanna) um 1000 km innan Adams hringsins. Talið er að þyngdatog tunglsins eigi sök á hringbogum í Adams hringnum; svæði þar sem meiri efnismassi er til staðar en á öðrum stöðum í hringnum.

Tölulegar upplýsingar

Meðalfjarlægð frá miðju Neptúnusar: 62.000 km
Umferðartími um Neptúnus: 0,4 jarðdagar
Snúningstími: Jafntímabraut
Þvermál:
158 km
Massi:
~2,12 x 1018 kg
Eðlismassi:
0,75 g/cm3
Meðalhitastig yfirborðs:
-220°C
Endurskinshlutfall:
0,08
Uppgötvað af Voyager 2
Uppgötvað árið
1989

Heimildir:

  • The Nine Planets.org
  • NASA Solar System Exploration
  • SolarViews.com

 

Digg This! Del.icio.us; Reddit Stumble It! Facebook