Athugaðu, opna í nýjum glugga. Prenta útSenda hlekk á þessa síðu til vinar

Digg This! Del.icio.us; Reddit Stumble It! Facebook

Hjarðmaðurinn

 

Efnisyfirlit

Hjarðmaðurinn er eitt hinna 88 stjörnumerkja sem þekja himinhvelfinguna. Hann er nokkuð stórt stjörnumerki og lendir í 13. sæti í stærðarröð þeirra.

Hjarðmaðurinn er á norðurhveli himinsins og markast af stjörnumerkjunum Drekanum í norðri, Stórabirni, Veiðihundunum og Bereníkuhaddi í vestri, Meyjunni í suðri og Höggormshöfðinu, Norðurkórónunni og Herkúlesi í austri.

Hjarðmaðurinn er eitt þeirra 48 stjörnumerkja sem Ptólmæos lýsir í ritum sínum.

Hjarðmaðurinn á himninum yfir Íslandi

Hjarðmaðurinn er ofan við miðbaug himins. Hann er best að skoða að kvöldlagi á haustin. Bjartasta stjarnan í merkinu, Arktúrus, blikar skært í vestri eftir sólsetur. Hana má finna með því að framlengja handfangið á Karlsvagninum.

Hjarðmaðurinn á næturhimninum yfir Íslandi

Stjörnumerkið Hjarðmaðurinn á næturhimninum yfir Íslandi að hausti (1. september) kl. 22:00. Horft í vestur. Stjörnumerkið Drekinn er í norðri, Stóribjörn, Veiðihundarnir og Bereníkuhaddur í vestri, Meyjan í suðri og Höggormshöfuðið, Norðurkórónan og Herkúles í austri. Myndin er úr Starry Night forritinu.

Digg This! Del.icio.us; Reddit Stumble It! Facebook